Поради непредвидени приватни околности на HOT SINCE 82, Ве известуваме дека тој за жал во последен момент мораше да го откаже настапот на Главната бина на Д Фестивал. Hot Since 82, неговиот менаџмент и организацијата на Д ФЕСТИВАЛ, изразуваме жалење за настанатата ситуација и благодариме за разбирањето од страна на публиката, а во оваа прилика потврдуваме дека настапот ќе биде презакажан! Во продолжение ја споделуваме изјавата на Hot Since 82 (на овој линк) и благодарни сме што и покрај актуелните непријатни околности, неговото гостување во Македонија сепак не е целосно откажано туку веќе интензивно се работи на договарање на новиот датум.
Со оглед на настанатата промена во датумот за настапот на Hot Since 82, купувачите на денешните еднодневни влезници за Д Фестивал (сабота, 29 јуни) кои овие влезници ги купиле исклучиво за настапот на Hot Since 82 и кои ќе се откажат од доаѓање на втората фестивалска вечер, ги молиме да ги сочуваат своите неискористени еднодневни влезници, бидејќи со нив ќе можат да побараат рефундирање на средствата за купените билети. Барањата за рефундација треба да ги испратат најдоцна до 12 јули 2024 година, на и-мејл адресата: info@password.mk .
За купувачите на тридневните фестивалски влезници кои, помеѓу останатата обемна програма, се радуваа и на настапот на Hot Since 82, ќе биде овозможена привилегија при купување на најповолните влезници за Д Фестивал 2025 преку зголемен контингент на т.н. „ран корморан“ билети и со посебно привилегирана цена само за нив. Овие влезници ќе може да ги купат исклучиво сопствениците на овогодишните фестивалски влезници па поради тоа ги повикуваме сите заинтересирани да ги чуваат искористените тридневни влезници од годинава, бидејќи единствено со податоците од тие влезници ќе можат да ја добијат најпривилегираната цена на „ран корморан“ билетите за следниот Д ФЕСТИВАЛ.
Со оваа измена, програмата на Главната бина вечерва ќе се одвива по следниот распоред:
21:00 PEACH VICE,
21:55 SANATORIUM,
23:05 LD PISTOLERO,
00:20 LIL PUMP,
01:30 FLOODER
Програмата на сите останати бини на Д ФЕСТИВАЛ 2024 се одвива без промени.