ONYX

ONYX е легендарна американска хип-хоп група која потекнува од Квинс, Њу Јорк и е основана во 1990 година. Групата се состои од Sticky Fingaz и Fredro Starr, а поранешни членови биле Sonny Seeza и покојниот Big DS. ONYX се познати по своите агресивни и насилни текстови, кои се разликуваат од нивниот деби сингл “Ah, And We Do It Like This”, кој имаше лесни текст и силно џез-рап влијание. Нивниот прв албум “Bacdafucup” беше објавен во 1993 година, освои платинеста награда и доби титула Best Rap Album на престижните Soul Train Music Awards. Масивниот сингл од тој албум, “Slam”, го воведе “слем” танцувањето во хип-хоп културата и беше Топ 10 поп успех во 1993 година. The Source го вклучи овој албум меѓу најдобрите албуми на сите времиња. 

Групата има објавено вкупно 11 студиски албуми, со “#WakeDaFucUp” од 2014 година кој се најде на листата Best Album на XXL магазинот, а понатаму најскоро тие имаат објавено уште два албуми од почетокот на 2022 година (“1993” и “Onyx Versus Everybody”). Соработувале со безброј големи имиња во хип-хопот како Wu-Tang Clan, Snoop Dogg, DMX, па дури и Biohazard на култниот албум “Judgеment Night”. Еден од лидерите на бендот, MC Sticky Fingaz, се појави во повеќе од 80 филмови и серии, вклучувајќи го култниот драмски серијал “The Wire”.