КИРИЛ ЏАЈКОВСКИ

Со успешна музичка кариера која се протега во текот на две децении, Џајковски е без сомнение еден од најпочитуваните електронски артисти во источноевропскиот регион со безброј пофалби од музички критичари.

Тој се смета за легенда во светска музика и е основач на глобалниот феномен познат како Балкан Бит. Џајковски е еден од продуцентите пионери кои ги воведоа балканските етнички звуци во модерната продукција на денс музика, а исто така и успешен композитор на филмска и театарска музика.

Експлозивните изведби на неговиот бенд во живо, сега имаат МС, тромбон, труба и виолина. Новиот концепт уште повеќе го развива Балкан Бит звукот, комбинирајќи го со glitch hop и влијанија од Јамајка. Резултатот е пријатно фанки искуство за публиката, предодредено да ја освои секоја сцена и да ја натера публиката да бара повеќе.

Веќе претставен на некои од најголемите музички фестивали во Европа како Pohoda, Woodstock, Exit Festival, Repercussion Festival, Rock for People, Latino Roc, Sziget, Rocktamule, Les Vieilles Charrues, Au Foin De La Rue, Festival Les Z’Eclectiques, Gypsy Jazz Festival, Џајковски постојано ја остава публиката воодушевена. Доказ за неговите изведби се сите освоени награди за најдобар настап во живо на некои од најголемите европски фестивали.