HYPERTECH

Димитар Ризов aka HyperTech своите музички почетоци ги бележи кон крајот на `90тите години на минатиот век. После пар години активно вежбање и настапи низ помали клубови, го зазема своето место на drum`n`bass сцената. Во Aприл 2003 заедно со Мики Стефаноски и Елена Јаневска на Канал 103 ја основаат “Течна Кујна”- првата drum`n`bass емисија во Македонија која редовно се емитуваше секоја Сабота од 18-20ч повеќе од 17 години. Во Jуни 2004 година заедно со Darko Stepic и неколку други вљубеници во drum`n`bass музиката го основа “D2” колективот со кој има организирано голем број настани и резиденции низ клубовите во Скопје, а низ годините го дели подиумот со артисти како: Grooverider, Black Sun Empire, Calyx & TeeBee, Cause4Concern, Chris SU, dBridge, Spectrasoul, Dub Phizix & Strategy, Shackleton, S.P.Y, DJ Storm, Seba, Blu Mar Ten, Big Bud, Nookie, Eveson, Vicious Circle, Mefjus, Billain, Nymfo, June Miller, Jon1st, DJ Vadim, Tech Itch, DJ SS, Drumsound, B-Complex, Bungle, Physics, Felix K, JFB, Disphonia, Linden, General Midi, M.E.S.H., Raggamuffin Whiteman, Cooh, L33…

Покрај настапи насекаде низ Македонија, бележи и интернационални настапи на повеќе фестивали и клубови во Швајцарија, Италија, Грција, Романија, Бугарија, Србија, Босна и Косово. HyperTech е еден од основачите и на BTKRSH и Funky Fresh колективите, а во 2011 година со Darko Stepic ја основа и 5К DJ Workshop, работилница која успешно работеше неколку сезони и од која произлезе нов бран квалитетни македонски DJи.

Кога `врти` drum`n`bass / jungle, неговиот музички сензибилитет претставува суптилна комбинација од future funk, цврст groove, минимализам и експериментирање.

Во јуни 2015 година заедно со Ненад Стефаноски – Брус (Foolish Green / Legijata / Green Out), Гоце САФ и Чваре ја започнува музичката клупска вечер – „Ехо Од Далечното Минато“која е посветена на на ретка музика од нашето поблиско и подалечно минато, од нашата поблиска и подалечна околина со главен акцент на funk, soul, disco, jazz, rare grooves & broken beats. Голем дел од настаните на оваа музичка вечер се реализирани во клубот Капан Ан во Скопје, иако оваа музичка вечер имала свои изданија на плажа Оревче (Охрид) и МКЦ (Скопје) . За изминатите 25 настани "Ехо од Далечното Минато" покрај домаќините учествувале и: Андреј Мицајков, Шурбе, Драган Б. Костиќ, Бојан Чакра, DJ Double G (Скопски Грув), DJ Funky Junkie (RS), Dr. Smeđi Šećer (CRO).