Алина Паш

Алина Паш е пејачка, текстописец и глумица од Украина.

Нејзиниот хит сингл „Bitanga“, објавен во 2018 ги претстави нејзините таленти до пошироката јавност. Таквиот успех го заследија и два соло албуми: „ Pintea:Gory/Misto“ (2018) и „Rozmova“ (2021) и две проширени изданија “Amerikraine Dream” (2019) и „Norov“ (2021) – кои сите добија многу пофалби од заедницата.

Паш продолжува да ја воодушевува јавноста со нејзините ексцентрични музички видеа како што се: „Bitanga“, „Oinagori“, „Bosorkanya“, „N.U.M“ и многу други. Нејзините креативни активности имаат разновиден стил и карактер, кои ги откриваат нејзините лични гледишта за популарните музички жанрови.

Нејзината музика ги спојува елементите на р’н’б и хип-хоп, испреплетувајќи ги со делови од културата на народите на Карпатите.

Алина има повеќе блиски соработки со украински и странски музичари: „Apache”, „d’OP”, „Krechet”, „Pianoboy”, „Alyona Alyona” и многу други. Заедно тие имаат десетици песни и музички видеа.

Настапите во живо на Алина Паш можат да се најдат на повеќето континенти на Земјата, бидејќи таа редовно настапува соло и е дел од големи музички фестивали меѓу кои се: „Atlas Weekend”, „Brave Factory!”, „Sonar”, „Calvi On The Rocks”, „ESNS” , „Electric Castle” и многу други.

Во скоро време напорите на Алина ја имаат доведено до светот на филмовите, каде таа има глумено во филмовите „Amber Cops” и „Chrysanthemum Holiday”. Во последните години нејзината упорност е прославена со повеќе награди како „Изведувач на годината 2022“, „Пробив на годината“ и „Видео на годината“ од „Yuna Awards 2019“, „ Jager Music Awards 2018, 2019”, „Rap.ua 2021”, „Aprize 2019” и “Elle Style Awards 2019”. Таа исто така има победено на украинскиот избор на песна за Евровизија во 2022 година.

Летото 2022, Алина Паш има настапувано на многу музички фестивали низ светот меѓу кои „Mad Cool Festival 2022“, „Sziget“, „Burning Man“. Oд овие настапи, нејзината изведба на „Sziget“ го привлече вниманието на медиуми ширум светот.