Feel D Love

Основан во 2011 година и израснат од идејата за уникатен open-air настан, кој ќе и понуди на публиката алтернатива за задоволување на потребата за летен фестивал на автентичното и прекрасно Дојранско крајбрежје – Д Фестивал веќе ја потврди и оправда иницијативата на најдобар начин. Ова е млад фестивал кој, благодарение на илјадниците фанови и најдобрите артисити од локалната, регионалната и светската музичка сцена, секоја година се одржува во одлична атмосфера константно доведувана до еуфорија и претставува единствено искуство исполнето со позитивна енергија.

За Нас block 2

Д Фестивал продолжува како традиција, но секоја година со уште поголеми очекувања, со сигурност зацврстувајќи се како симбол за незаборавно концертно доживување и традиционална дестинација за сите фанови на автентичниот дух на летните музички фестивали. Секоја година Д Фестивал е дестинацијата за забава на повеќе од 10.000 посетители кои ги уживаат впечатливите концертни перформанси на музички артисти како Manu Chao La Ventura, Stereo MC’s, Wilkinson, Sonique, Кирил Џајковски, Дубиоза Колектив, Bernays Propaganda, Љубојна, Фолтин, String Forces, Суперхикс, АРЕА, С.А.Р.С., Baildsa, Зијан и многу многу други.

Со нетрпение се очекува секое следно издание, а самиот датум на фестивалот е сезона која секоја година е сѐ повеќе посетена од интернационални и домашни туристи и сѐ поголем број на луѓе кои веруваат во потенцијалот на Дојран. Со ширењето на добриот глас за сѐ повозбудливите фестивалски изданија, сѐ повеќе луѓе одлучуваат својот годишен летен одмор и најдобриот летен фестивалски настан да го поминат токму во Дојран. Резултатите и реакциите од минатите изданија на фестивалот, донесоа логичен прогрес да се прошири фестивалскиот обем во поглед на понудата и капацитетот.

За Нас block 3
За Нас block 4

Во 2015 година Д ФЕСТИВАЛ го прослави својот петти јубилеј и по тој повод фестивалот го претстави своето најголемо издание досега, проширувајќи го концептот со тридневна музичка програма, на повеќе фестивалски бини и со камп за своите посетители, лоциран покрај плажата на прекрасното Дојранско Езеро. Позитивните впечатоци од последното издание на Д Фестивал повторно го добиваат својот интензитет како што се приближува времето за новото јубилејно десетто издание на единствениот open-air музички фестивал кај нас.
И оваа година, Д ФЕСТИВАЛ повторнo ги поставува своите шатори на дојранското крајбрежје и на своите посетители им нуди многу повеќе од само атрактивна музичка програма, овозможувајќи им воедно да уживаат и да бидат дел од уникатната атмосфера, создавајќи едно несекојдневно искуство кое ги брише сите изговори за поделба и нетрпеливост.

До сега на Д Фестивал:

  • Manu Chao La Ventura
  • Paul Van Dyk
  • Roger Sanchez
  • Stereo MC’s
  • Noisia
  • Dubioza Kolektiv
  • Disciples
  • Roni Size
  • Fink
  • Mahmut Orhan
  • Sonique
  • Goldie
  • Toy Dolls
  • Pussy Riot
  • Egorythmia
  • Sigma
  • Dub Pistols
  • Sevdaliza
  • Arhangel
  • Lollobrigida
  • Hladno Pivo
  • Ofenbach
  • Goran Trajkoski
  • Duke Bojadziev
  • Tom Novy
  • Bernays Propaganda
  • Kiril Dzajkovski
  • Superhiks
  • Amariszi
  • PMG Kolektiv
  • S.A.R.S.
  • Conquering Lion
  • Area
  • Vlatko Stefanovski
  • Elektricni Orgazam
  • String Forces
  • Foltin
  • Strajk
  • Bad Copy
  • Obojeni Program
  • Brkovi
  • Ljubojna
  • Smut
  • Flooder
  • Chalgia Sound System
  • Ali Farka Toure Band
  • The Black & Vice Social Club
  • Terakaft
  • Cut your nipple
  • My Baby
  • Porto Morto

...и многу многу повеќе!

Д ФЕСТИВАЛ повторно ќе се одржува со тридневна програма, од 3 - 5 јули 2020 година во Дојран.